Многу научнофантастични филмски хитови ги потопуваат гледачите во измислени универзуми на бујни дождовни шуми и подводни светови, каде што протагонистите мора да се заштитат себеси и својата планета од човечки закани.
Многу луѓе сонуваат да се осмелат да патуваат до дестинации прикажани во ТВ емисии или филмови; еве пет уникатни локации кои лесно би можеле да се појават во научнофантастичен блокбастер.
Од футуристичко одморалиште во џунгла до уникатни вили со поглед на тиркизните води на Карибите, овие „невообичаени“ дестинации сигурно ќе ја освојат имагинацијата на љубителите на филмови насекаде.
Wild Coast Tented Lodge (услуга „сè вклучено“), Јала, Шри Ланка
Во близина на познатиот Национален парк „Јала“ – прочуен по големата популација на леопарди – се наоѓа овој луксузен камп со шатори, сместен на местото каде што џунглата се среќава со синото море и недопрената плажа.
Ова уникатно одморалиште, со поглед кон Индискиот Океан, нуди шатори во форма на кожурци, со заоблени платнени конструкции што потсетуваат на прикотвени воздушни бродови како од научно-фантастичен филмски блокбастер. Нивниот дизајн им овозможува на шаторите да ги попримат обликот и бојата на карпите и камењата расфрлани во непосредна близина.
Она што го прави овој престој уште поуникатен е фактот што целиот распоред на имотот е во форма на отпечаток од шепа на леопард, што упатува на најпознатиот жител на ова подрачје. Гостите можат да уживаат во сафари со водич низ Националниот парк Јала, во потрага по леопарди, како и по други диви животни, вклучувајќи слонови, крокодили и елени.
Wayanad Wild – Rainforest Lodge, Витири, Индија
Опкружено со прекрасни природни пејзажи, ова одморалиште, кое ја носи ознаката „Travel Sustainable“ (одржливо патување) на Booking.com, е сместено на бујните зелени падини на прашумите на Западните Гати во Лакиди – една од највисоките точки во областа Вајанад во Керала.
Високо ценето од патниците на Booking.com поради своите пејзажи, природа, водопади и прашуми, малото место Витири се наоѓа на надморска височина од 3.750 до 4.500 стапки (приближно 1.140 до 1.370 метри) и претставува дом на разновиден див свет. Неговите густи шуми и уникатната флора и фауна прават патниците да се чувствуваат како дел од фасцинантно филмско доживување.
Ова е вистински рај за љубителите на природата и животните, а „Wayanad Wild – Rainforest Lodge“ е совршено место за престој во самото срце на оваа област, нудејќи удобни сместувачки капацитети со балкони од кои се пружа поглед кон бујната прашума. Објектот организира тури со водичи-природонаучници, при што гостите можат да дознаат сè за локалната флора и фауна, а со паѓањето на ноќта – да доживеат и незаборавна ноќна експедиција.
„Yaba Chigui Lodge“, Охочал, Костарика
Сместен во Охочал, во егзотичниот регион на Јужен Пацифик во Костарика, овој објект – носител на ознаката „Одржливо патување“ (Travel Sustainable) на Booking.com – е дизајниран од архитекти специјализирани за современа тропска архитектура.
Со фокус на еколошката одржливост, главниот објект на комплексот – „ранчот“ – ќе ги пренесе гостите во живописниот и необичен свет на филмот. Гостите можат да се релаксираат на својот приватен балкон уживајќи во убавината на прашумата, а големите прозорци пред секое бунгало ќе им овозможат чувство како да спијат среде џунглата.
Крајбрежното село Охочал, високо оценето од гостите на Booking.com поради природата, плажата и дивиот свет, е познато по своите прекрасни, недопрени плажи со џунгла во заднината.
Swan Villas, Маја Бич, Белиз
Со фокус на рамнотежата меѓу човечкото живеење и природниот свет, уникатните вили „Свон“ (Swan Villas) се сместени на полуостровот Пласенсија во Белизе. Дизајнирани од Хавиер Сеносиаин – еден од пионерите на органската архитектура во Мексико – вилите се инспирирани од вратот на лебед, спојувајќи го современиот дизајн со природниот пејзаж на крајбрежјето на Белизе.
Познат по своите бели плажи, живописни корални гребени, џунгли и прашуми, Белиз со својата природна убавина ќе ги потсети посетителите на мистичниот шарм што се гледа во филмовите. Малото место Маја Бич (Maya Beach) – високо ценето од патниците на Booking.com поради плажата и можностите за нуркање – претставува фантастична локација за пливање во тиркизните води на Карипското Море.
Conrad Maldives Rangali Island, Манду, Малдиви
Сместен на два одделни острова поврзани со мост, луксузниот комплекс „Conrad Maldives Rangali Island“ се одликува со архитектонски дизајн што беспрекорно се вклопува во околината, нудејќи пространи приватни вили опкружени со бујно тропско зеленило и со прекрасен поглед на Индискиот Океан.
Тиркизните води создаваат прекрасна позадина што потсетува на водите од измислениот свет на филмот. Во подводниот ресторан „Ита“ (Ithaa), кој е целосно изработен од стакло, гостите можат да го набљудуваат животот под површината додека уживаат во вкусна интернационална кујна. Гостите ќе се чувствуваат како протагонистите од филмот, нурнувајќи се и истражувајќи го ова водно волшепство.
„Реисастуа Лоџ“ (Reisastua Lodge), Сторслет, Норвешка
Сместен на брегот на реката Реиса, во близина на прекрасниот Национален парк Реиса, овој прекрасен објект е опкружен со уникатна флора и фауна. Вгнездено во природата, ова единствено катче за одмор нуди величенствен поглед кон реката од своите удобни соби и од ресторанот, кој се одликува со прозорци што се протегаат од подот до таванот.
Веднаш надвор од националниот парк, гостите можат да го посетат водопадот Сарафосен – еден од највисоките во општината Нордреиса – до кој се стигнува преку Арктичката патека (Arctic Trail) во правец кон Сомас/Килписјарви. Периодот од ноември до февруари е одлично време за набљудување на поларната светлина во Норвешка, бидејќи тогаш ноќите се најдолги.
Бидејќи природната убавина на поларната светлина можеби го инспирирала светот на филмот, патниците можат да изнајмат автомобил и да се упатат кон Тромсе (оддалечен околу 3,5 часа), каде што ќе најдат низа тури за набљудување на поларната светлина.
wish.hr
