Некаде низ долгометражната Јадранска Магистрала во Хрватска се протега малото тивко и мирно место Тисно. Спаѓа на Шибенско-книнската жупанија, а се наоѓа на околу 30тина километри од градот Шибеник.
Од Јадранската магистрала вртиме на левата страна и низ неколкуте кривини на околу 3 километри се надзира ова мирно место кое како школка е завиено во Јадранското море. Тисно лежи буквално во Јадранот, од двете страни на ова мало градче го заплискуваат морските води а на средината се наоѓа мост кој е подвижен само од едната страна според потребите.
Она што како специфика говори само по себе е неколкуте обележја кои се поставени долж крајбрежјето, кондури со натпис на познати доктори, судии и луѓе кои оставиле белег на овој дел.
Се наоѓа делумно на копното, на полуостровот Тишњан, а делумно на островот Муртер. Теснецот помеѓу островот и копното е широк 38 метри, а преку него бил изграден мост (сега подвижен) во 1832 година. Поновиот дел на Тисно е изграден на копното на Гомилица.
Ова мало место е идеално за одмор. Летните денови се неповторливи. Сонцето го има буквално од сите страни а се оддава впечаток како да се наоѓате на некој пуст остров бидејќи од сите страни низ погледто ви се препрелува морската шир. Тисно нуди беспрекорен одмор, природа која е распослана насекаде, како и неколку локали кои нудат од се по нешто, се со цел да се задоволи вкусот на секој посетител. Најчести гости на оваа ривиера се германците, словенците и австријците а има и камп места каде може да се дојде и одмара како кампер.
Тисно е едно од најбараните места за буџетски одмори оваа година. Тисно се наоѓа веднаш до Муртер и се што ги дели е мал мост. Тисно има најниски цени на станови во овој дел на Далмација и ние лично сме биле тука и останавме без здив од асортиманот на ресторани до плажите. Тисно е „законот“ и е едно од најприфатливите места.
Тисно има одлична плажа, а ако тоа не е доволно, има одлични плажи веднаш преку мостот на Муртер. На само 2 километри од Тисно има повеќе од 10 плажи, но тоа нема да биде потребно бидејќи плажата во Тисно наречена Јазин е една од најдобрите семејни плажи.
Храна
Тисно има одлична понуда за храна. Рестораните не се скапи, а храната е одлична.
Цените
Главната причина зошто во Тисно се цените. На само 2 километри од Бетина или Муртер, можете да останете во Тисно со 50% попуст. Во 2019 година имавме стан со поглед на море за 270 куни дневно за 3 лица, а на само 2 километри на Муртер, истиот стан не можеше да се најде за 500 куни дневно.
Локација
Тисно е совршено лоцирано веднаш до Муртер, а веднаш до Тисно се наоѓа Вранското езеро, како и Водице. На само 25 минути со автомобил се наоѓа градот на културата и историјата, Шибеник. Од Загреб до Тисно се потребни помалку од 4 часа.
Поглед на море
Многу апартмани во Тисно имаат балкон и тераса со навистина прекрасен поглед на морето. Како што веќе рековме, апартмани со многу пристапни цени, од кои многу имаат одлични критики и совршен поглед на морето и зајдисонцето и островот Муртер.
patuvanja.mk
