Еден од најморничавите острови, за луѓето кои се преплашени од змии, наречен IIha de Queimada или „остров на безмилосниот оган“ се наоѓа на само 32 километри од брегот на Сао Паоло во Бразил, а во превод го нарекуваат Змиски остров.
Овој уникатен остров е посебен затоа што е дом на една од најотровните змии во светот, златната змија (Bothrops insularis). Според официјалните податоци на Биолошкиот факултет во Бразил, на Змискиот остров живеат приближно 2.000-4.000 змии. Островот се протега на 430 метри квадратни, на кој нема човечко население, но има само еден светилник изграден во 19 век.
Како е создаден островот
Нема јасно дефинирано објаснување зошто на овој остров се населиле најотровните змии во светот. Според историските приказни, во 19 век таму живеело мало тричлено семејство, чија куќа била новоизграден светилник.
Мајката и ќерката починале од смртоносен змиски отров додека таткото бил единствениот преживеан. Бидејќи островот е изолиран од копното, односно нема врска, тие не го добиле навреме противотровот. Друга приказна раскажува за рибар кој залутал на островот, а неговото тело било пронајдено полно со каснувања од змии.
Бразилските власти им забранија на луѓето секој пристап до островот заради нивна безбедност, бидејќи стапката на смртност на островот е висока токму поради змиите. Освен бразилската морнарица, малкумина авантуристи кои ги игнорирале предупредувањата на властите се осмелиле да заминат на островот без да размислуваат за последиците кои би можеле да ги снајдат. Освен тоа, многу ловокрадци на змии и препродавачи на змии на црниот пазар сметаат дека островот е извор на големи профити, бидејќи за овие змии може да се заработат и до 30.000 илјади долари по глава.
Освен бразилската морнарица, единствениот овластен пристап таму се биолошките друштва со цел да се промовира науката и новите истражувања. Функцијата на морнарицата е еднаш годишно да го посетува островот за да го провери и одржува светилникот. Исто така, важно е да се знае дека поради климатските услови, властите сакале таму да изградат плантажа со банани, но тој обид не одел.
Златни змии – Bothrops insularis
Поради самата изолација на островот од копното, змиите кои живеат на овој остров еволуирале различни методи за преживување и фаќање плен. Бидејќи таму нема голем избор на храна, змиите морале да се прилагодат на условите за да преживеат. Според податоците, на секој квадратен метар можеме да најдеме по една отровна змија, додека други податоци тврдат дека на неколку метри можеме да видиме само една змија. Златните змии се меѓу најопасните и најотровните змии во светот.
Отровот на златната змија или Bothrops insularis е толку силен што многу луѓе го опишуваат како нешто што „го топи човечкото месо“. Последиците за луѓето се тешки, па дури и бразилската морнарица не оди на островот без лекар бидејќи противотровот мора да се добие во рок од еден час. Отровот предизвикува оток, болка, гадење, повраќање, исфрлање на крв, внатрешно крварење, откажување на бубрезите, крварење во мозокот и некроза на мускулното ткиво.
Биолошки, овој вид змии е загрозен и всушност ендемичен бидејќи може да се најде само на овој остров. Нивните роднини живеат во Австралија и се „помалку“ поопасни од златните змии на овој остров. Тие растат до 45 см и имаат златно-кафеава боја. Луѓето ги опишуваат како многу активни змии кои го ловат својот плен дури и во воздухот.
Храбри биолози одат на островот за да ја означат и микрочипираат секоја змија бидејќи нивниот број треба да се следи. Според неодамнешните истражувања, постојат информации дека отровот на оваа змија навистина може да помогне во лекувањето на некои болести кај луѓето и поради оваа причина златните змии се ставени под посебна заштита.
wish.hr
