Животoтот во градот Малула, еден од најстарите христијански градови во Сирија, се враќа во нормала по соборувањето на 61-годишното владеење на Партијата Баас, јавува Анадолу.
Ова историско место кое има уникатна архитектура, се наоѓа на околу 50 километри северно од Дамаск.
Куќите во Малула се изградени на стрмните падини на огромни карпи. Изработени се од камен со рамни покриви, а повеќето куќи имаат син малтер однадвор – традиционален христијански обичај.
Жителите, претежно Грци католици, се познати по тоа што во својот говорен јазик го зачувале дијалектот на сириско-арамејскиот јазик.
Малула е дом на два значајни манастири кои сведочат за богатата историја на регионот.
Католичкиот манастир „Свети Саркис“ се одликува со византиска црква и гробници од византискиот период, врежани во карпите зад него.
Православниот манастир „Свети Текла“ пак, располага со модерна црква и е значајно место за христијанските верници во регионот.
По години на конфликти и разурнувања, Малула денес повторно доживува нормализација на животот, како и обнова на своите културни и духовни обележја.
Со падот на режимот на Баас и владеењето на семејството Асад, градот се претвора во симбол на отпорноста и зачувувањето на традицијата.
Она што го прави Малула уште попосебен е фактот дека ова е градот со најголем број лица кои го говорат арамејскиот јазик во светот – јазикот на кој е напишана Библијата и кој има посебно значење за христијаните низ светот.
