Се гледа дека оваа година најчести гости во Хрватска беа Италијанците, Германците, Австријците, Британците, Полјаците и домашните гости. Истите тие националности беа на самиот врв и минатата година, што покажува дека странските гости со задоволство се враќаат кај нас и ја избираат Хрватска за годишен одмор.
Од друга страна, Хрватите летово со задоволство ги посетија соседните земји и градови, а Белград, Будимпешта, Виена, Сараево и Будва се омилените дестинации за нашите граѓани.
Во Хрватска ова лето Сплит го зазеде првото место на топ-листата на најпосакувани дестинации, а потоа следуваат Дубровник, Загреб, Задар и Пула. Патниците од Хрватска, исто така, најчесто ги резервирале овие градови, при што Загреб се издвојува како дестинација број 1 за Хрватите, а потоа следат Сплит, Задар, Дубровник и Пула. Исто така, се покажа дека повеќето гости во текот на летниот период претпочитаат сместување во апартмани, потоа хотели, куќи за гости и на крајот хостели и B&B објекти.
Иако Хрватска не е позната како шопинг дестинација, посетителите ги издвојуваат Загреб, Сплит, Риека, Задар и Опатија како градови во кои покрај одморот можете да одите и на шопинг, со што ќе го споите пријатното со корисното.
Горан Плеше, регионален менаџер на Booking.com за Хрватска, истакна: „Хрватска оваа година е препознаена како барана дестинација, не само за гостите од странство, туку и за домашните гости. Исклучително ме радува фактот што нашите гости со задоволство се враќаат, што е потврдено и од нашите податоци. Бројот на нашите корисници е зголемен и оваа година, што само потврдува дека гостите го препознаа Booking.com како платформа која им олеснува да го најдат најсоодветното сместување според нивните потреби.“
wish.hr
