Поради исклучителниот културен пејзаж, чија вредност е неизмерна, од 1997 година брегот Амалфи стана дел од списокот на светско наследство на УНЕСКО
Со причина, дел од регионот Кампанија во Италија се смета за една од најпосетуваните дестинации во овој дел од светот. Брегот Амалфи нуди совршен спој на пејзажи со неверојатна убавина и богато културно наследство.
Сместен на потегот помеѓу два заливи, Неаполскиот залив од едната и Салерноскиот залив од другата страна, брегот Амалфи е познат по своите стрмни карпи, но и по изобилството на агруми и винова лоза.
Во тој дел на Италија се наоѓаат некои од најубавите плажи на Тиренското Море, истакнува „Italia.it“. И иако не може да се каже дека се особено пространи, плажите во тој дел од земјата ги карактеризираат вертикални карпи, кои најмногу ги опкружуваат, што им дава дополнителна доза на убавина.
Светско културно наследство
Поради исклучителниот културен пејсаж, чија вредност е неизмерна, од 1997 година брегот Амалфи стана дел од списокот на светско наследство на УНЕСКО.
Во голема мера, овој дел од земјата успеа да ја зачува својата природна убавина, па на најдобар можен начин покажува како човек може да живее со максимална почит кон природата што го опкружува.
Интересни градови
Малиот град Позитано, кој се наоѓа на брегот Амалфи, секако е една од најважните атракции во тој дел од земјата. Познат по своите тесни улички, цркви и шарени куќи, Позитано е познат и по својот фантастичен поглед кон морето.
Не помалку убаво е и гратчето Амалфи, во кое е забележливо влијанието на Ориентот. Посетителите се особено фасцинирани од традиционалната керамика што може да се види во овој мал град.
Гастрономската понуда на брегот Амалфи
Секој што ќе го посети брегот на Амалфи и не ги вкуси лимоните што се одгледуваат во тој дел на Италија, пропушта многу. Посебно е интересно да се видат терасовите градини кои снаодливите жители на брегот Амалфи ги дизајнирале така што, почитувајќи ја природната средина, сепак успеале да ги одгледуваат плодовите на ова овошно дрво.
Бидејќи и во овој дел од земјата се одгледуваат винова лоза, вината од брегот Амалфи се исто така многу популарни меѓу посетителите.
Особено интересни се њоките кои се подготвуваат во овој дел од Кампањата. Се подготвуваат од гриз и рикота сирење, а се поголеми од класичните њоки. Интересно е што често се пишува дека дури и старите Римјани ги подготвувале њоките на таков начин.
telehgraf.rs
