Лондон, како главен град на Велика Британија, е еден од најпосетуваните градови во Европа и, како и секој главен град, зрачи со својата посебност. Така е и со блиските градови на Балканот, конкретно со Скопје.
Што би поврзале со главниот град во Македонија? Што и да е, сигурно не би го поврзале со Лондон. И тие навистина имаат врски. Имено, она што ги поврзува овие два града се – црвените автобуси.
Пред повеќе од 60 години, југословенската влада купи од Лондон стотици црвени двокатни автобуси Лејланд, кои беа широко користени пред разорниот земјотрес во 1963 година, пишува „Медиум“. Таа природна катастрофа уништи околу 80% од градот и требаше долго време да се издигне градот од пепелта и да се обнови. Во периодот што следеше немаше автобуси, но во 2010 година, македонската влада одлучи да ја „рестартира“ таа традиција и купи над 200 нови автобуси во лондонски стил кои беа составени во Кина.
– Овие двокатни автобуси имаат американски мотор од Велика Британија, со висококвалитетен ECO 5. Рамката е германска, само шасијата е кинеска. Затоа, тие се многу модерни автобуси – вели еден од возачите Илчо Неделковски, пишува „Ројтерс“.
Тој наведува и дека овие автобуси се традиција на Скопје која започнала пред неколку децении. Идејата на Државната сообраќајна служба Скопје е да го оживее стариот дух на овој град.
telegraf.rs
