Siranna се гради на брегот на заливот Акаба во Саудиска Арабија. Станува збор за ултра луксузна дестинација за одмор во која ќе биде сместен хотел во форма на шестоаголник со 65 соби и 35 ексклузивни резиденции.
Дизајниран е така што изгледа како да излегува од брегот и се спојува со околината во која се наоѓа, односно со специфичната флора и фауна. Siranna треба да има клуб на плажа со базен на повеќе нивоа и ќе нуди непрекинат поглед на Црвеното Море.
Исто така, ќе понуди низа опции за забава и релаксација – од врвни ресторани до бањи и велнес објекти. Кога ќе се изгради Siranna, гостите ќе стигнат до него со водено такси, а ќе мора да поминат скриена патека низ природни карпи пред да стигнат до влезот на оваа дестинација.
Siranna е дел од Neom, зелена иницијатива за алтернативен начин на живот кој е поврзан со технолошкиот напредок, одржливост, иновации и културна размена, а чија главна цел е да ја доближи Саудиска Арабија како туристичка дестинација.
Иако крајбрежјето на заливот Акапа моментално е неискористено и празно, луксузните проекти што се планира да се градат овде во следните 10 години целосно ќе го трансформираат овој простор, а локалното население се надева дека ќе привлече добро ситуирани туристи.
punkufer.hr
